Umhlahlandlela webandulo lomsebenzi (i-learnership) labantu abangasebenziko
Umbuso wazise ihlelo elitjha lebandulo elivulelwe boke abantu abangasebenziko elibizwa nge-learnership. Lebhrotjha ihlathulula bona ihlelweli lisebenza njani.
I-learnership lihlelo lokufunda elirholela ekufumaneni ukufaneleka komsebenzi. Ama-learnership afaka ukufunda ungeklasini ekholiji namkha esentheni yokubandulela kanye nendaweni yokusebenzela. Nawuzazibandakanya ehlelweni le-learnership into eqakatheke khulu kukobana kufanele kube nomqatjhi ofisa nokghona ukukunikela ngelemuko lomsebenzi.
Ngubani ongenza isibawo sokungenela i-learnership
Omunye nomunye angenza isibawo sokungenela i-learnership. Lokhu kutjho bona ama-learnership kufanele afumaneke ebantwini abatjha abaqeda isikolo nemakholoji kanye nebantwini abangasebenziko kanye nalabo esele basebenza. Ama-learnership awakavalelwa isiqhema sobudala esitholeko.
Ekukhetheni abantu abazakungenela i-learnership umbuso uvumile bonyana ubuncani bakhona abafundi abangu-85% kufanele kube ngabanzima, u-54% kube bomma bekuthi u-4% kube babantu abarholopheleko.
Izakubiza malini
Akunamali ebhadelwako emuntwini ongenela i-learnership. Woke okhethelwe ihlelo le-learnership kufanele abhadelwe imali yomfundi mqatjhi. Ubunjalo bemali liyame emhlobeni we-learnership. UNgqongqotjhe wezabaSebenzi uvumele izinga lemali efanele ibhadelwe kanye nobujamo engabhadelwa kibo begodu umqatjhi angabhadela enengi ukudlula lapho. Imali ebhadelwa umfundi kanye nobujamo kuvunyelwana ngabo ngaphambi kokuthoma kwehlelo.
Ithatha isikhathi esingangani
Ubude be-learnership buzakuhluka kodwana esikhathini esinengi angeze kwaba ngaphasi konyaka.
Kutjho ukuthini kimi ukungenela i-learnership
Nayikuthi wamukelwa ku-learnership kuzakufanela bona utlikitle isivumelwano sangokomthetho nomqatjhi. Umuntu namkha ihlangano enikela ngehlangothi lefundo yethiyori yebandulo godu naye kufanele atlikitle isivumelwanesi. Isivumelwano sibeka lokho okulindelwe kuwe kanye nokufanele ukwenze.
Bobani abathinteka ku-learnership begodu khuyini imisebenzi yabo
Umfundi ufakwa ku-learnership, utlikitla isivumelwano sangokomthetho nomqatjhi, esibeka amalungelo neembopho zomfundi, begodu ulandela ihlelo lokufunda.
Umqatjhi unikela ngelemuko lomsebenzi okulihlangothi le-learnership begodu utlikitla isivumelwano sangokomthetho esibeka amalungelo neembopho zomqatjhi, kufaka iimvumelwano zezinga lemali ebhadelwa umfundi oku-learnership.
Abanikela ngebandulo banikela ngebandulo benzela umqatjhi begodu batlikitla isivumelwano sangokomthetho esifanako esibeka amalungelo neembopho zonikela ngebandulo.
AbaLawuli beKoro yezeFundo neBandulo (i-SETA) bahlela bebakghonakalisa ukusekelwa ngeemali kwama-learnership ngehlangothini ethileko lezomnotho (isibonelo, zokuthutha namkha zokuvakatjha nokutlhogonyelwa kweemvakatjhi), begodu baqinisekisa bona ibandulo lisezingeni lebubulo (ukuqinisekisa ikhwalithi).
UmNyango wezabaSebenzi umema bewudlulisele abantu abahlangabezana neemfuno ezincani ku-learnership ethileko kubaqatjhi abafuna abafundi. Umqatjhi uthatha isiqunto sokugcina.
Nayikuthi i-learnership iphethwe ngepumelelo uzakuthola ukufaneleka (i-qualification) okuvunyelwe inarha yoke. Ukutjengisa bona uthole ukufaneleka uzakunikelwa isitifikethi. Isitifikethesi sizakuhlathulula amakghono owatholileko.
Ngizakuthola umsebenzi na ngemva kokuqeda i-learnership
Nayikuthi awusebenzi lokha nakuthoma i-learnership, akunasiqinisekiso sokobana uzakuthola umsebenzi ekupheleni. Umqatjhi okunikela ngebandulo akakakateleleki bona akuphe umsebenzi. Kodwana ngokufaneleka nelemuko lomsebenzi uzakuba sebujameni obuhle bokuthola umsebenzi kunangaphambilini. Ungahle ufune ukucabanga ngokufumana okhunye ukufaneleka okunengi namkha ukuthoma ibhizinisi lakho.
Ngisenza bunjani isibawo sokungenela i-learnership nayikuthi angisebenzi
Zitlolise emNyangweni wezabaSebenzi njengomuntu ofuna umsebenzi ngokuzalisa iforomo elinanyathiselweko kanye neforomo elitjengisa iinkareko zakho. Manje linikele abasebenzi besentha yezabasebenzi namkha baposele lona.
Hlala ugcine imininingwana yokuthintana yakho isebujameni banjesi.
Isentha yezabasebenzi izakuthinta nayikuthi uhlangabezana neemfuno ezamukelekako ze-learnership zomqatjhi othileko.
Nayikuthi uhlangabezana neemfuno ungabizwa bona ukhambele umhlanganywana omncani kanye nokuhlolwa ngaphambi kokukhetha kokugcina.
Imininingwana ngawe
Isibongo:
Amagama:
Inomboro kamazisi:
I-Adresi:
Umtato:
Ilanga lamabeletho:
Umhlobo:
AbaNzima
AbamHlophe
Ilimi lekhaya:
Amanye amalimi:
Ubulili:
Ubaba
Umma
Ingabe urholophele na
Iye
Awa
Nayikuthi iye, sibawa utjengise
Iye
Awa
Nayikuthi awa, usisakhamuzi sayiphi inarha
Ingabe unelayisense yokutjhayela
Anginayo
Ukufaneleka ngokwefundo
Ukufaneleka kwesikolo okukhulu onakho
Iimfundo
AmaSimboli
Isikhungo/umnikeli
Ukufaneleka
Unyaka owakuthola ngawo
Ilemuko lomsebenzi
Umqatjhi
Isikhundla
Isikhathi esingangani
Ibanga lokulisa:
Ngiyaqinisekisa lapha bona ilwazi elingehla liliqiniso.
Itlikitlo lombawi
Ilanga
VEZA IINKAREKO ZAKHO
Nanti irhemo lamaziko weemfundo ahlukeneko kanye nemisebenzi ongahle ukghone ukuyenza ezikweni lesifundo. Yenza kungathi uyakghona ukwenza yoke imisebenzi, nikela iziko lesifundo ngasinye imaki ngokuya kokuthi uyithanda kangangani namkha uyithabela kangangani imisebenzi ekulelo ziko lesifundo. Esikhathini esinengi izinto ozithabisa ngazo godu zinganikela ngesitjengiso seenkareko zakho. Nayikuthi msebenzi munye kuphela ovezwe njengesibonelo ezikweni lesifundo esithileko, thalela umsebenzi bewunikele imaki lomsebenzi othalelweko. Ukunikela imaki kufanele kwenziwe ngendlela elandelako: 1 Thanda kancani, 2 Angiwuthandi, 3 Thanda okulingeneko, 4 Thanda, 5 Thanda khulu
Iziko lesifundo
Thanda kancani
Angilithandi
Thanda okulingeneko
Thanda
Thanda khulu
Zelimo nokutlhogonyelwa kwemvelo.
Zinikela ukudla ngokulima. Zitlhogomela iingadi, amahlathi nemvelo. Ukulima ngeentjalo nefuyo, ukusebenza emaphageni, eengadini nemahlathini kanye nokutlhogonyelwa kwemvelo.
Amasiko nobukghwari.
Ukwenza izinto ezihle namkha ukuthabisa abantu ngokubadlalela. Ukubumba nokusebenza ngomncamo, ukudansa, ukuvuma, umbhino, zemidlalo nokuthatha iinthombe, umabonwakude, ividiyo, umlingisi ongubaba, ukwenza izinto zokukghabisa, ukwenza izinto zobukghwari zokupenda nemigwalo.
Iimfundo zokuthintana nezelimi. Ukusebenzisa ilimi ukurhelebha abantu ukufumana ilwazi ngokukhuluma nokutlola. Umtjhugululi, umbikindaba wemagazini yephephandaba, isazi selimi, i-copy writer, ukutlola ama-athikili namkha imitlolo.
IFundo, iBandulo nezokuThuthukisa. Ukufundisa nokubandula abantu. Umfundisi wesikolo, iinkhungo zefundo ephakamileko ezifana namaYunivesithi, ama-Theknikhoni namaTheknikhal Kholiji, ukufundisa abentwana abancani (ukuthuthukiswa kwabentwana basesebancani).
Zokwenza, zobunjiniyeri netheknoloji. Imitjhini yokugwala, amabhrorho, iindlela, iimphaphamtjhini, imitjhini ye-elektroniki negezi, ukwenza nokuhlanganisa iingcenye ezimbili zomtjhini khona zizakusebenza kuhle, neemayini.
Iimfundo ngabantu nezehlalakuhle. Ukufunda imikghwa yabantu khona uzakukghona ukubarhelebha. Ukusebenza nokuthuthukisa abantu (i-Psychology nebandulo lamakghono wokuphila), iimfundo ezihlukeneko zekolo (indoda yesonto nomfundisi), umlando, isifundo sephasi nokobana kungani abantu bahlala emadorobheni (i-geography), ukufunda ngetjhebiswano hlangana nabantu (i-sociologist), isifundo sabantu bakade neenlwana (i-Archaeology).
UmThetho, isayensi yamajoni nokuvikeleka (i-military science and security). Ukutjheja ukuphepha nokuvikeleka kwabantu nobulungiswa enarheni. Amapholisa, amagqwetha nabatjhutjhisi, imisebenzi yokulungiswa kokuziphatha, ukulandela ibizelo lemasotjeni (amajoni, amajoni wemanzini, amajoni wemmoyeni).
Amasayensi wezamaphilo nemisebenzi yezokuhlalisana. Ukurhelebha abantu ngokutlhogomela ukuphila kwabo emzimbeni nakwezengqondo kanye nokuphila kuhle. Ukukhandela amalwelwe, ukuphuhlisa zamaphilo, ukutlhogomela abantu abagulako, ubunese, abarhelebha ema-ambulensini, amabizelo wezokwelapha, zehlalakuhle.
Ukusebenza ngeembalo ukurarulula imiraro, ukusebenza ngamakhompyutha ukurekhoda ilwazi nokusebenza ngezinto eziphilako. Iimfundo zekhompyutha, osebenza ngeembalo, ibhayoloji (okusifundo seentjalo neenlwana).
Ukutlama nokwakha izinto.
Ukutlama nokugwala imakhiwo njengaku-architecture, ukwakha izindlu, ukwakha indlela namabhrorho, ukutjhubhela imakhiwo.
Irhunyezo leenkareko
Ama-Ofisi wamaPhrovinsi womNyango wezabaSebenzi
AmaSentha wezabaSebenzi womNyango wezabaSebenzi
